DUB-POET

“It a come”

By: Mikey Smith

fire a go bun
blood a go run
no care how yuh tek it
some haffi regret it.

yuh coulda vex till yuh blue
I a reveal it al to yuh
dat cut-eye cut eye cyaan
cut dis-ya reality in two
fire a go bun
blood a go run
it goin to tek yuh
it goin to tek yuh

So Maggie Thatcher
yuh better watch ya
yuh goin go meet yuh waterloo
yuh can stay deh a screw
I a subpoena yuh
from de little fella
call Nelson Mandela
who goin tun a martyr
fi yuh stop support
de blood-suckin I
call apartheid

for it a com
blood a go run
it goin to tek yuh
it goin to tek yuh
not only fi I
but fi yuh too